Balasahan sa liderato ng Kamara, ipinagpatuloy
Tuluy-tuloy ang ginagawang balasahan sa liderato ng Kamara.
Sa sesyon sa araw ng Lunes, December 7, itinalaga sina Negros Rep. Arnulfo Teves, Pampanga Rep. Juan Pablo Bondoc, Valenzuela Rep Eric Martinez, Bagong Henerasyon Rep. Bernadeth Herrera, Ilocos Sur Kristine Singson-Meehan, Zamboanga del Sur Rep Divine Grace Yu, Saranggani Rep. Rogelio Pacquiao, Valenzuela Rep. Weslie Gatchalian at dating Minority Leader Benny Abante bilang deputy speakers.
Kaagad din namang nanumpa ang mga ito kay House Speaker Velasco.
Ang mga ito ay kaalyado at sumuporta para maupo si Velasco bilang lider ng Kamara.
Inalis naman sa puwesto bilang mga deputy speaker sina Surigao Rep. Johnny Pimentel at Pampanga Rep. Aurelio Gonzales na mga miyembro rin ng PDP-Laban na partido ng pangulo at Speaker Velasco.
Si Pimentel ay itinalaga bilang chairman ng Special Committee on Strategic Intelligence kapalit ni Capiz Rep. Fred Castro habang si Gonzales ay itinalaga bilang chairman ng Special Committee on Bases Conversion Cavite Rep. Francis Gerald Aguinaldo Abaya.
Itinalaga naman bilang chairman ng Committee on Trade and Industry si Navotas Rep. John Rey Tiangco kapalit ni Gatchalian habang si La Union Rep. Sandra Eriguel bilang chairman ng Committee on Inter-Parliamentary Relations and Diplomacy habang si Quezon City Rep. Alfred Vargas ang bagong chairman ng House Committee on Social Services kapalit ni Eriguel.
Si Sulu Rep. Munir Arbison naman ay itinalaga bilang miyembro ng Commission on Appoinments kapalit ni Laguna Rep. Benjamin Agarao.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.