Pangulong Duterte, atat nang magpaturok ng COVID-19 vaccine

Atat na si Pangulong Rodrigo Duterte na magpaturok ng bakuna kontra COVID-19.

Ayon kay Presidential Spokesman Harry Roque, ito ay kung may aaprubahan na ang Food and Drug Administration na emergency use authorization ng bakuna.

Ayon kay Roque, nais kasing ipakita ni Pangulong Duterte sa buong bayan na ligtas at epektibo ang bakuna at dumaan sa experts panel group ng pinakadalubhasang Filipino.

Tiyak din kasi aniyang dumaan ito sa highest endorsement.

Hindi na aniya makapaghintay ang Pangulo na maturukan ng bakuna at katunayan ay nag-volunteer na ang punong ehekutibo.