Sa inilabas na rainfall advisory ng PAGASA alas 8:00 ng umaga ngayong Lunes, December 7, mahina hanggang sa katamtamang pag-ulan ang mararanasan sa Laguna at Rizal.
Ganitong lagay na din ng panahon ang nararanasan sa mga bayan ng General Nakar, Infanta, Real, Panulukan, Burdeos, Polilio, Patnanugan, Jomalig, Perez, Alabat, Calauag, Lopez, Gumaca, Plaride;, Mauban, Atimonan, at Sampaloc sa lalawigan ng Quezon.
Ayon sa PAGASA ang nararanasang pag-ulan ay dulot ng easterlies.
Pinapayuhan ang publiko at Local Disaster Risk Reduction and Management Offices sa mga apektdong lugar na imonitor ang lagay ng panahon at mag-antabay sa susunod na abiso ng PAGASA.