Metro Manila, mga kalapit na lalawigan uulanin sa susunod na mga oras

Makararanas ng pag-ulan sa susunod na mga oras sa Metro Manila at mga kalapit nitong lalawigan.

Sa inilabas na rainfall advisory ng PAGASA alas 5:21 ng umaga ngayong Lunes, December 7, mahina hanggang sa katamtamang pag-ulan ang mararanasan sa Batangas, Bataan, at Bulacan.

Ganitong lagay na din ng panahon ang nararanasan sa Metro Manila, Quezon, Laguna, Rizal at Cavite.

Ayon sa PAGASA ang nararanasang pag-ulan ay dulot ng easterlies.

Pinapayuhan ang publiko at Local Disaster Risk Reduction and Management Offices sa mga apektdong lugar na imonitor ang lagay ng panahon at mag-antabay sa susunod na abiso ng PAGASA.