PAL, may alok sa libreng antigen test para sa mga pasahero patungong General Santos
May alok ang Philippine Airlines (PAL) sa mga pasahero patungong General Santos na libreng Antigen testing mula December 7 hanggang 17.
Sinabi ng kumpanya na para ma-avail ang libreng antigen testing, kailangang mag-register sa pamamagitan ng booking portal ng testing partner ng PAL: bit.ly/PALHMIRegForm.
Dapat magtungo ang mga pasahero sa Antigen testing center sa bahagi ng PAL Gate 3 sa Pasay City dalawa hanggang anim na oras bago ang flight.
Bukas ang antigen testing center mula 12:01 ng hating-gabi hanggang 4:00 ng madaling-araw tuwing Lunes at Huwebes.
Maaaring gawin ang pagsusuri sa pamamagitan ng drive-thru o walk-in.
Hinihikayat naman ang mga pasahero na maagang pumunta sa testing center para sa mas mabilis proseso.
Lalabas ang resulta sa loob ng 30 minuto at maaaring mag-avail ng libreng PAL shuttle service patungong paliparan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.