Para sa mga naghahanap ng trabaho na mga residente sa lalawigan ng Laguna, nangangailangan ngayon ang Commission on Elections (Comelec) ng isandaan at limampung kontraktuwal na mga mangagagawa bilang pre-election logical accuracy test verifier.
Ayon sa Comelec, ito ay para sa paghahanda sa May 9 national elections.
kinakailangan na nakaabot ng second-year college at may kaalaman sa information technology ang mga aplikante.
Ayon sa Comelec, mas mainam kung may background ang mga aplikate sa mga PCOS machines na ginamit noong mga nagdaang elekyon.
Kinakailangan din na walang mga kamag anak na kandidato sa eleksyon ng hanggang 4th degree.
Makatatanggap ng minimum wage na sweldo na rate ng Metro Manila ang makapapasok sa trabaho.
Magsisimula ang hiring ng Comelec sa March 21 hanggang 23 at makapagtatrabaho mula March 28 hanggang April 30 sa Jam warehouse sa Brgy. Pulong Sta. Rosa Laguna.