Tatlong bata patay matapos malunod sa hukay na may tubig sa Taguig
Patay ang tatlong bata matapos na aksidenteng mahulog sa hukay na puno ng tubig sa Brgy. Western Bicutan sa Taguig City.
Sa inilabas na pahayag ng Taguig City LGU, ang tatlong bata na pawang residente ng PNR Site sa nasabing barangay ay pumasok at naglaro sa isang bakateng lote na dakong alas 12:40 ng tanghali kahapon (Dec. 3).
Aksidenteng nahulog sila at nalunod sa hukay na puno ng tubig.
Ayon kay Taguig City Mayor Lino Cayetano, ang bakanteng lote ay privately owned.
Tiniyak naman ng lokal na pamahalaan ang tulong sa pamilya ng tatlong bata.
Nakikipag-ugnayan din ang LGU sa Arca South management, Philippine National Police, at mga opisyal ng barangay para sa imbestigasyon.
Paalala ni Cayetano sa mga magulang, tiyaking nababantayan lagi ang kanilang mga menor de edad na anak kapag lumalabas ng bahay.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.