PCSO, apat na araw walang Lotto draw

Wala munang draw ng lotto ang Philippine Charity Sweepstakes Office (PCSO) sa loob ng apat na araw ngayong Semana Santa.

Ayon kay PCSO Vice Chairman at General Manager Jose Ferdinand Rojas II, hindi muna sila magsasagawa ng draw sa Marso 24, Huwebes Santo hanggang Marso 27, Linggo ng pagkabuhay.

Dahil dito, inabisuhan ni Rojas ang publiko na walang bentahan ng lotto ticket para sa nasabing mga petsa.

Ito ay bilang pag-obserba sa Holy Week.

Magbabalik ang draw at bentahan ng mga tiket sa Marso 28.