Pitong sasakyan ng Red Cross gagamitin para sa mabilis na relief distribution sa Catanduanes
Naibigay na sa Philippine Red Cross Catanduanes Chapter ang pitong mga bagong sasakyan para magamit sa mas mabilis na pamamahagi ng relief sa lalawigan.
Kinabibilangan ito ng isang (1) Hilux, isang (1) Willy jeep at limang (5) motorsiklo.
Ayon kay Red Cross Chairman at Senator Richard Gordon, gamit ang mga sasakyan, mas mararating ang mga liblib na lugar na hindi mapasok ng malalaking sasakyan.
Lalo rin mapapabilis ang rehabilitation phase dahil mas marami nang Red Cross volunteers at staff ang makakapag-ikot.
Nagpasalamat naman si Gordon sa American Red Cross partikular sa kanilang Country Representative na si Shir Shah Ayobi para sa mga donasyong sasakyan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.