Reaksyon ito ni Bayan Muna Rep. Ferdinand Gaite sa banat ng Presidente, Lunes ng gabi (November 30), laban sa grupong Makabayan na umano’y nakikipagsabwatan para mang-agaw ng gobyerno.
Sabi ni Gaite, nasa isip lang ni Duterte ang sinasabi nitong grand conspiracy gaya noong 2018 nang palutangin ang gawa-gawa ring “Red October” para ilihis ang isyu matapos masangkot ang pamilya nito sa isyu ng ilegal na droga.
Ayon sa kongresista, gumagawa ng sariling multo ang Pangulo dahil maraming dismayado sa mabagal na tulong sa mga biktima ng kalamidad, napakahabang lockdown, mataas na unemployment rate at bagsak na ekonomiya.
Iginiit ng mambabatas na huwag na silang pagdiskitahan dahil abala ang Makabayan bloc sa Kamara sa pagsusulong ng mga panukalang batas na makatutulong sa mga tao.