Tarragona, Davao Oriental niyanig ng magnitude 3.1 na lindol

Muling niyanig ng lindol ang lalawigan ng Davao Oriental.

Ayon sa Phivolcs, naitala ang magnitude 3.1 sa 77 kilometers southeast ng bayan ng Tarragona alas-8:56 umaga ng Lunes (November 30).

May lalim itong 1 kilometer at tectonic ang origin.

Wala namang naitalang intensities at hindi rin inaasahang magdudulot ng pinsala at aftershocks bunsod ng pagyanig.

Ito na ang ikalimang may kalakasang pagyanig sa lalawigan ng Davao Oriental ngayong araw.

Nauna nang naitala ang sumusunod na lindol sa lalawigan ng Davao Oriental:

Magnitude 3.2 sa Baganga, alas-7:51 ng umaga
Magnitude 3.5 sa Baganga, alas-7:35 ng umaga
Magnitude 3.0 sa Governor Generoso, alas-4:00 ng umaga
Magnitude 3.1 sa Governor Generoso, alas-2:05 ng umaga.