Tatlo pang mambabatas sa Kamara sumapi sa Lakas-CMD

Tatlo pang kongresista ang sumapi sa political party na Lakas-Christian Muslim Democrats (Lakas-CMD).

Ayon kay House Majority Leader Martin Romualdez, party president, ito ay sina Cavite 2nd District Rep. Strike Revilla, Cagayan Rep. Samantha Vargas-Alfonso, at Davao Occidental Rep. Lorna Bautista-Bandigan.

Dahil dito, umabot na sa 45 ang bilang ng mga miyembro ng Lakas-CMD sa Kamara.

Si Revilla ay dating bahagi ng National Unity Party (NUP).

Ani Romualdez, sa pagpapalakas ng partido ay mas mapag-iigting ang pakikipagtulungan nila kay House Speaker Lord Allan Velasco na maipasa ang mga legislative agenda ni President Rodrigo Duterte.