84 anyos na lalaki sa Batanes na walang exposure at walang travel history, nakitaan ng sintomas ng COVID-19.

Isang 84 anyos na lalaki sa Batanes ang nakitaan ng sintomas ng COVID-19 at nagpositibo sa Rapid Antigen Test.

Ayon sa Batanes COVID-19 Task Group, ang pasyente ay itinuturing ngayong “Probable COVID-19 Case”.

Wala umanong record ng exposure ang lalaki at walang travel history.

Pero isa sa mga kasama nito sa bahay ay returning OFW na natapos sa kaniyang quarantine period noong Nov. 2.

Isasailalim na sa swab test ang pasyente para sa confirmatory test.

Inoobserbahan ito ngayon sa Batanes General Hospital.