15 crew nailigtas matapos lumubog ang kanilang cargo vessel sa Araceli, Palawan
Nailigtas ng mga tauhan ng Philippine Coast Guard (PCG) ang 15 crew ng isang cargo vessel na lumubog sa karagatang sakop ng bayan ng Araceli sa lalawigan ng Palawan.
Ayon kay Commander Severino Destura ng Coast Guard Station-Puerto Princesa lulan ng cargo vessel na Lady Athena ang 17 crew nang magkaproblema ito at lumubog alas 3:30 ng hapon ng Miyerkules (Nov. 25).
Patungo sana ng Puerto Princesa City ang barko.
Patuloy namang pinaghahanap pa ang dalawang nawawalang crew ng barko na kinabibilangan ng kapitan at chief engineer.
Magsasagawa ng imbestigasyon ang coast guard sa kung ano ang naging sanhi ng insidente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.