COVID-19 cases sa hanay ng PNP, nasa 7,979 na

Aabot sa 31 ang bagong napaulat na pulis na tinamaan ng COVID-19 sa Pilipinas, ayon sa Philippine National Police (PNP).

Sa datos ng PNP Health Service hanggang 6:00, Miyerkules ng gabi (November 25), 7,979 na ang confirmed COVID-19 cases sa hanay ng pambansang pulisya.

Sa nasabing bilang, 399 ang aktibo pang kaso.

35 namang pulis ang gumaling sa nakakahawang sakit.

Dahil dito, 7,554 na ang total recoveries sa hanay ng PNP sa naturang sakit.

Wala namang pulis na napaulat na nasawi dahil sa COVID-19.

Bunsod nito. 26 pa rin ang COVID-19 related deaths sa pambansang pulisya.