Mahigit 17,300 na manggagawa sumailalim sa libreng swab test sa Maynila

Umabot na sa 17,306 ang bilang ng mga indibidwal na naisailalim sa swab test sa free mass swab testing program sa Lungsod ng Maynila.

Ang libreng mass testing ay para sa mga public transport drivers, market vendors, hotel employees at mall workers.

Ayon kay Manila Mayor Isko Moreno, patuloy ang pagsasagawa ng mass testing sa mga manggagawa sa lungsod para masiguro ang kaligtasan ng lahat lalo na ng mga mamimili sa palengke.

Maliban sa nabanggit na mga sektor, nasa 48,845 na rin ang kabuuang bilang ng mga naisailalim sa swab test (RT-PCR) sa anim na District Hospitals sa lungsod.