LOOK: Mga bagong gamit sa MRT-3 depot, nagagamit na

By Dona Dominguez-Cargullo November 24, 2020 - 08:23 AM

Nagagamit na ang mga bagong depot equipment sa MRT-3.

Ang pag-upgrade sa mga depot equipment ng MRT-3 ay bahagi ng malawakang rehabilitasyon ng MRT-3 na isinasagawa ng maintenance provider nito na Sumitomo-Mitsubishi Heavy Industries.

Kabilang sa mga nai-upgrade na ay ang mga balancing machine, wheel press machine, rerailing equipment, vertical storage, carbon filter box at pressure washer.

Ginagamit ang balancing machine upang matiyak na balanse ang pag-ikot ng armature ng traction motor ng tren.
Samantala, ginagamit naman ang wheel press machine upang i-mount at i-dismount ang mga gulong ng tren.

Sa kabilang banda, ginagamit naman ang rerailing equipment upang maibalik sa riles ang mga gulong ng tren kung sakaling magkaroon ng derailing sa linya.

Nilalagakan naman ng mga electrical at electronic parts at equipment ang vertical storage.

Upang maiwasan naman ang pagkakaroon ng hazardous fumes, gaya ng alikabok at mga kemikal na nanggagaling sa painting booth, pinalitan na ang lumang carbon filter box.

Ginagamit naman ang pressure washer upang linisin ang mga airconditioning units sa loob ng tren.

Matatandaan na nakapag-install na rin ng mga bagong CCTV cameras, platform monitors at signal lights sa mga istasyon ng rail line.

 

 

TAGS: balancing machine, Breaking News in the Philippines, carbon filter box, Inquirer News, Philippine News, pressure washer, Radyo Inquirer, rerailing equipment, Tagalog breaking news, tagalog news website, vertical storage, wheel press machine, balancing machine, Breaking News in the Philippines, carbon filter box, Inquirer News, Philippine News, pressure washer, Radyo Inquirer, rerailing equipment, Tagalog breaking news, tagalog news website, vertical storage, wheel press machine

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.