South Korea nagbigay ng US$200,000 na donasyon para sa mga nasalanta ng bagyo

Nagbigay ng US$200,000 na donasyon ang pamahalaan ng South Korea sa Philippine Red Cross.

Ayon sa Red Cross ang naturang halaga ay para sa mga nasalanta ng nagdaang mga bagyo.

Personal na iniabot ni Ambassador Han Dong Man ng Embassy of the Republic of Korea kay Senator Richard Gordon ang donasyon.

Ayon kay Gordon, maraming komunidad ang mararating ng tulong na ito ng Korea.