POGOs, binalaan ni PNP chief Sinas sa criminal activities

Binalaan ni PNP Chief Debold Sinas ang Philippine Offshore Gaming Operators (POGOs) sa paglilihim o pagtatago ng mga ilegal na gawain ng kanilang mga empleyado.

Ginawa ito ni Sinas matapos maiulat ang isa namang insidente ng kidnapping na kinasasangkutan ng POGO workers sa Angeles City, Pampanga.

Sa huling kaso, nailigtas ng PNP – Anti Kidnapping Group ang isang babaeng Vietnamese – Chinese POGO worker na kinilalang si Vong Cam Lan at tatlong suspek ang naaresto na sina Rouhan Li, Qiang Zhang at Jing Li.

Kinidnap ang biktima noong Nobyembre 18 sa Makati City at dinala sa Barangay Pampang sa Angeles City.

Humingi ang mga suspek ng P161,800 ransom ang mga suspek mula sa mister ng biktima.