NCAA Games mapapanood na sa GMA Network

Inanunsyo ng National Collegiate Athletic Association (NCAA) na ang GMA Network Inc. na ang kanilang media partner para sa pagsisimula ng Season 96.

Ayon sa NCAA, sa pamamagitan ng multi-media platforms ng GMA, matitiyak na ang NCAA ang magsisilbing pangunahing interscholastic sports league sa bansa.

Nakatakdang ipagdiwang ng NCAA ang centennial anniversary nito.

Para sa Season 96, ang magsisilbing host ay ang Colegio San Juan de Letran.