Bilang ng mga Filipino sa abroad na nagpositibo sa COVID-19 hindi nadagdagan – DFA
Walang naitalang bagong bilang ng mga Filipino na nagpositibo sa coronavirus disease o COVID-19 sa ibang bansa.
Sa datos ng Department of Foreign Affairs (DFA) (Huwebes, November 19), nasa 11,545 na overseas Filipinos (OFs) ang kumpirmadong positibo sa COVID-19 sa 82 na bansa at rehiyon.
Sa nasabing bilang, 3,242 ang patuloy na nagpapagamot sa iba’t ibang ospital.
Ang bilang ng mga naka-recover o na-discharge na sa ospital ay 7,270 kung saan nadagdagan ng 2.
Ang bilang naman ng mga Pinoy abroad na pumanaw dahil sa COVID-19 ay nanatili sa 833.
Pinakamarami pa ring naitalang confirmed COVID-19 positive na Filipino sa bahagi ng Middle East/Africa na may 7,530 na kaso.
Sumunod dito ang Europe na may 1,311 confirmed COVID-19 positive cases.
Nasa 1,874 naman ang kaso sa Asia Pacific Region at 830 sa Americas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.