Dagdag na 72 kaso ng COVID-19, napaulat sa Eastern Visayas

Nadagdagan ng 72 ang bilang ng kaso ng COVID-19 sa Eastern Visayas.

Naitala ang mga bagong kaso mula sa 1,223 laboratory samples na sinuri ng EVRCTC at DWHVL.

Sa datos ng Department of Health (DOH) – Eastern Visayas hanggang 7:00, Miyerkules ng gabi (November 18), 8,089 na ang confirmed COVID-19 cases sa probinsya.

Sa nasabing bilang, 715 o 8.84 porsyento ang aktibong kaso.

18 residente naman ang gumaling pa sa nakakahawang sakit.

Bunsod nito, umabot na sa 7,296 o 90.20 porsyento ang total recoveries sa Eastern Visayas.

Nasa 78 na ang mga residenteng nasawi o 0.96 porsyento bunsod pa rin ng nakakahawang sakit.