Evacuees sa Pasig, sasailalim sa ECLIA testing

Sasailalim sa ECLIA antibody testing ang mga evacuee sa Pasig City na apektado ng Bagyong Ulysses.

Ayon sa Pasig City Public Information Office, ginagawa ang nasabinh antibody test upang malaman kung ang isang tao ay nagkaroon ng exposure sa COVID-19 at kung nakapag-develop ito ng antibodies laban sa nakakahawang sakit.

Sisimulan ang pagsusuri sa araw ng Miyerkules, November 18.

Kasunod nito, hinikayat ang lahat ng lumikas at nanatili sa evacuation centers na pumunta sa pinakamalapit na barangay health center.

Kasama sa ECLIA testing ang may 10 taong gulang pataas.