P3.4-M halaga ng shabu, nakumpiska sa SM Manila buy-bust
Naaresto ng mga ahente ang PDEA ang dalawang lalaki sa isinagawang buy bust operation sa rooftop parking ng SM Manila, Lunes ng hapon (November 16).
Base sa inisyal na ulat, 500 gramo ng shabu na nagkakahalaga ng P3.4 milyon ang nakumpiska mula kina Jabbar Bantuas at Mohammad Ali Bolao.
Bandang 3:20 ng hapon nang ikasa ang operasyon laban sa dalawang suspected drug traffickers.
Bago pa ito, may hiwalay na operasyon ang PDEA sa Taguig City.
Nabatid na dakong 12:25 ng tanghali nang maaresto si Mark Anthony Bilan sa Gen. Luna street sa Barangay Ususan.
Nakuha sa kanya ang 400 gramo ng shabu na nagkakahalaga ng P2.7 milyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.