Panibagong P100,000 incentive, ibibigay sa mga barangay na zero COVID case sa Maynila
May panibagong insentibo si Manila Mayor Isko Moreno sa mga barangay na zero COVID case sa susunod na dalawang buwan.
Ayon kay Mayor Isko, tig-P100,000 ang incentive.
Base sa Executive Order 45 na inaprubahan ng lokal na pamahalaan, dapat ay walang maitatalang bagong kaso ng COVID-19 mula December 1, 2020 hanggang January 31, 2021.
Bibigyan din aniya ng sapat na pagkilala o certification ang mga barangay.
Matatandaang kamakailan lamang, 73 na barangay ang nabigyan ng tig-P100,000 dahil sa zero COVID case sa loob ng dalawang buwan.
Ayon kay Mayor Isko, maari pa ring sumali sa round 2 ang mga nanalong barangay.
Naniniwala si Mayor Isko na ang pagbibigay ng insentibo ang pinakamabisang paraan para makaiwas ang mga residente sa COVID-19.
Ang Manila Health Department (MHD) at Manila Barangay Bureau (MBB) ang bahala na sa verification ag validation sa mga record ng barangay.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.