Pagbibitiw sa PDP-Laban ni dating Speaker Alvarez, inirerespeto ni Speaker Velasco
Iginagalang ni Speaker Lord Allan Velasco ang desisyon ni dating Speaker Pantaleon Alvarez na iwan ang PDP-Laban.
Ayon kay Velasco, ang hakbang ni Alvarez ay nagpapakita lamang na gumagana at masigla ang demokrasya sa bansa.
Pinasalamatan rin nito ang dating Speaker sa naging kontribusyon sa partido.
Matatandaang nag-abstain si Alvarez noong botohan sa pagka-Speaker kay Velasco.
Dati rin nitong pinayuhan si Velasco na hayaan na lamang si noo’y Speaker Alan Peter Cayetano na ipagpatuloy ang kanyang termino para maiwasan ang pagkakahati-hati ng mga miyembro ng Kamara.
Lumipat si Alvarez sa partidong Reporma para tutukan ang pagbuo ng “voters’ education campaign” bago ang 2022 national elections.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.