Sen. Angara, nagpahatid ng tulong sa mga nasalanta ng bagyo

Sa pagbuti ng panahon, agad na nagpadala ng food packs si Senator Sonny Angara sa daan-daang nasalanta ng Bagyong Rolly sa Bicol Region.

Ang relief operations ng “Alagang Angara” ay isinagawa sa mga bayan ng Bato at Virac sa Catanduanes na labis na nakatikim ng matinding pananalasa ng bagyo.

Nagpahatid tulong din ang senador sa ilang baragay sa Albay, partikular sa Binanuahan, Gapo, Camalig, Ilawod; Barangays Buraguis, Gabon at Magurang sa Polangui at Barangay Puro sa Legazpi City.

Katuwang ang mga lokal na opisyal, mga tauhan ng Philippine Coast Guard at Bureau of Fire Protection, maayos na naipamahagi ang ipinadalang tulong ni Angara.

Mgasasagawa rin ng katulad na relief operations sa mga apektadong pamilya naman sa Camarines Sur.