Halaga ng pinsala sa imprastraktura sa Cagayan, umabot na sa halos P1.6-B
Tinatayang halos P1.6 bilyon ang halaga ng pinsala sa imprastraktura sa Cagayan dahil sa Bagyong Ulysses.
Sa kaniyang Facebook video, sinabi ni DPWH Sec. Mark Villar na ito ay dahil sa malalang pagbaha sa naturang probinsya.
Mula sa 26, sinabi ng kalihim na 13 na lang ang road closure sa Cagayan.
Tiniyak naman ni Villar na tuluy-tuloy pa rin ang clearing operations sa mga kalsada sa probinsya.
“Pinaplano po namin ngayon kung ano ang kailangang gawin at anong mga pangangailangan ng ating mga kababayan dito pero asahan niyo po na mabilis ang pagkilos ng gobyerno at gagawin namin ang lahat para maibalik sa normal ang buhay dito sa Cagayan,” pahayag pa ng kalihim.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.