SSS, may alok na calamity loan sa mga nasalanta ng mga nagdaang bagyo
Nag-aalok ng calamity loan assistance program ang Social Security System (SSS) sa mga miyembro at pensioner na nasalanta ng mga bagyong Rolly, Quinta at Ulysses.
Pero ayon sa SSS, kinakailangan na deklarado muna sa state of calamity ng National Disaster Risk Reduction and Management Council (NDRRMC) ang mga lugar na maaaring makapag-avail ng calamity loan.
Magsisimula ang assistance package sa November 27, 2020 at tatagal ng hanggang February 26, 2021.
Bukod sa calamity loan, maari ring makapag-avail ng three-month Advance Pension para sa SS and Employees’ Compensation pensioners at Direct House Repair and Improvement Loan.
Maglalabas ang SSS ng buong guidelines sa pamamagitan ng media partners at official Facebook page na “Philippine Social Security System.”
“The SSS commiserates with everyone who was affected by the said typhoons. It hopes that through the assistance package and its regular benefit programs, it may help its members and pensioners during these difficult times,” pahayag ng SSS.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.