Dalawang helicopter ng PCG naka-deploy na rin para sa aerial rescue sa Isabela, Cagayan
Naka-deploy na rin ang ikalawang airbus light twin engine helicopter ng Philippine Coast Guard (PCG), araw ng Sabado (November 14).
Ayon sa ahensya, ito ay matapos lumipad pa-Norte ang CGH-1451.
Matapos ang flood damage assessment ng BN Islander Plane, sinabi ng PCG na agad sisimulan ang aerial rescue/extraction.
Matatandaang nagbaba ng direktiba si Transportation Secretary Arthur Tugade sa PCG na agad i-deploy ang lahat ng kailangang kagamitan at mga tauhan para sa search and rescue operations sa lalawigan ng Isabela at Cagayan.
Samantala, nai-deploy na rin ng ahensya ang kanilanh dalawang bus, isang 12-wheeler boom truck, dalawang M-35 trucks, dalawang rubber boats at tatlong generator sets.
Lumubog sa baha ang dalawang probinsya dahil sa ulang dulot ng Bagyong Ulysses.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.