Mayor isko nagpadala ng tulong sa mga nasalanta ng #UlyssesPH sa Marikina City

 

Nagpadala na ng ayuda si Manila Mayor Isko Moreno sa mga nasalanta ng bagyong Ulysses sa Marikina City.

Kabilang sa mga ibinigay na ayuda ang 1,000 food boxes, 5,000 piraso ng bottled water at apat na kahon ng gamot
Ayon kay Mayor Isko handang mag-abot ng suporta ang Maynila sa abot ng makakaya nito upang matugunan ang pangunahing pangangailangan ng mga nasalanta ng bagyo.

Mahalaga ngayon ayon kay Mayor Isko ang pagtutulungan sa panahon ng kalamidad lalo na’t nagpapatuloy din ang banta ng COVID-19 sa buong bansa.

Ipinaalala rin ni Mayor Isko sa publiko na patuloy na mag-ingat, paigtingin ang paghahanda sa mga sakuna at pangalagaan ang isa’t isa upang matiyak ang kaligtasan ng lahat tuwing may kalamidad.