Angat at Ipo dams patuloy sa pagpapakawala ng tubig
Patuloy sa pagpapakawala ng tubig ang Angat at Ipo dams dahil sa mataas na lebel ng tubig dulot ng bagyong Ulysses.
Ayon sa PAGASA Hydrometeorology Division, dalawang gate ng Angat dam ang nakabukas habang 2 gate din ang nakabukas sa Ipo dam.
Ang mga posibleng maapektuhan ng pagpapakawala ng tubig ng dalawang dam ay ang mga munisipalidad ng Norzagaray, Angat, San rafael, Bustos, Pulilan at Plaridel.
Inabisuhan ang mga residente at local disaster risk reduction and management councils sa mga nabanggit na lugar na maghanda at gawin ang mga nararapat na aksyon sa posibleng dulot ng pagpapakawala ng tubig.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.