156,955 katao, apektado ng pananalasa ng Bagyong #UlyssesPH
Tinatayang halos 157,000 ang bilang ng mga indibidwal na apektado ng pagtama ng Typhoon Ulysses sa bansa.
Batay sa update ng DSWD Disaster Response Operations Monitoring and Information Center (DROMIC) bandang 6:00, Huwebes ng gabi (November 12), nasa kabuuang 40,518 pamilya o 156,955 katao ang apektado ng bagyo.
Kabilang dito ang National Capital Region, Regions 3, 5 at CALABARZON.
Nakasaad din sa inilabas na datos na 18,818 pamilya o 70,294 ang nananatili sa itinalagang 755 evacuation centers sa nasabing mga rehiyon.
1,556 pamilya o 5,890 katao naman ang wala sa mga evacuation center.
Nagdulot ang Bagyong Ulysses ng matinding pagbaha sa ilang probinsya sa bansa at maging sa Metro Manila.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.