DFA, nakatutok sa hinihinalang pagsabog sa Jeddah

Mahigpit na tinututukan ng Department of Foreign Affairs (DFA) ang hinihinalang pagsabog sa Jeddah, Saudi Arabia.

Sa inilabas na pahayag, sinabi ng DFA na napaulat ang pagsabog kasabay ng World War I commemoration ceremony sa isang sementeryo sa bahagi ng Al-Balad.

Binabantayan ng Philippine Consulate General sa Jeddah ang ang sitwasyon sa nasabing lugar.

Sa pamamagitan din nito, nakikipag-ugayan ang kagawaran sa Filipino community sa naturang bansa.

Abiso sa mga Pinoy sa Jeddah, manatiling nakaalerto at sundin ang mga paalala ng mga awtoridad.