P3.6 milyong halaga ng shabu, naharang sa Batanes

 

Nasabat ng mga pulis mula sa isang babae ang hinihinalang shabu na nagkakahalaga ng P3.6 million sa bayan ng Basco sa lalawigan ng Batanes.

Naaresto ng pinagsamang puwersa ng Batanes police at mga operatiba ng Philippine Drug Enforcement Agency (PDEA) ang suspek na si Leona Patimo.

Nakuha sa pag-iingat ng suspek ang aabot sa 1.2 kilos ng methamphetamine hydrochloride o shabu.

Matagal nang minamanmanan ng mga otoridad si Patimo na ngayon ay nasa ilalim na ng kustodiya ng Basco police.

Kakasuhan ang suspek na ginang ng paglabag sa Comprehensive Dangerous Drugs Act.