Isang national highway sa Northern Samar, nagkaroon ng rockslide
Nagkaroon ng rockslide sa isang national highway sa Northern Samar, Miyerkules ng umaga.
Ito ay bunsod ng ulang nararanasan dulot ng Typhoon Ulysses.
Ayon sa Palapag MDRRMO, apektado ng rockslide ang bahagi ng Palapag-Mapanas national highway sa Panhagdanan sa pagitan ng Barangays Nipa at Maragano.
Isang truck ang stranded bandang 9:30 ng umaga.
Maaari namang dumaan sa naturang kalsada ang mga motorsiklo at maliliit na 4-wheel vehicles.
Sa ngayon, nagpapatuloy pa ang clearing operation ng ilang kawani ng Department of Public Works and Highways (DPWH).
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.