Sinaluduhan ni Pangulong Rodrigo Duterte ang mga sundalo ng Armed Force of the Philippines Western Mindanao command at Joint Task Force Sulu dahil sa matagumpay na pagsasagawa ng Operation Perfect Storm 2 sa Parang, Sulu noong ika-3 ng Nobyembre.
Sa naturang operasyon, napatay ng militar ang pitong miyembro ng ng Da’wah Islamiyah Abu Sayyaf Kidnap for Ransom group sa ilalim nina Sawadjaan at Radullan Sahiron.
Ayon kay Pangulong Duterte kahit masama ang lagay ng panahon, buong tapang na sinagupa ng militar ang mga kalaban na magsasagawa sana ng
kidnapping operation sa Surigao Province.
Saludo ang pangulo sa katapangan at kabayanihan ng mga sundalo.
Tiniyak ng pangulo na buo ang kanyang suporta sa mga sundalo.
Pakiusap ng pangulo, panatilihin ang peace and order sa bansa.