PhilHealth, pinag-aaralang palawakin ang coverage sa mga pasyenteng sumasailalim sa dialysis

Pinag-aaralan na ng Philippine Health Insurance Corp. (PhilHealth) na palawakin pa ang coverage sa mga pasyenteng sumasailalim sa dialysis.

Ayon kay Presidential Spokesman Harry Roque, humihirit sa PhilHealth President Dante Gierran sa board na aprubahan ang expansion.

Sa kasalukuyan, nasa 90 dialysis session lamang ang sinasagot ng PhilHealth kada taon.

Sa panukala aniya ni Gierran, nais itong gawing 133 dialysis sessions kada taon.

Sinabi pa ni Roque na nakipag-ugnayan na rin ang Philippine Charity Sweepstakes Office (PCSO) sa PhilHealth para bigyan ng tig-P10,000 cash assistance ang mga pasyenteng sumasailalim sa dialysis.