Gazmin kinasuhan ng plunder dahil sa maanomalyang chopper deal
Sinampahan ng kasong pandarambong o Plunder sa Office of the Ombudsman si Defense Sec. Voltaire Gazmin kaugnay sa P1.2Billion chopper deal noong 2013.
Sa kanyang reklamo, sinabi ng Bureau of Internal Revenue (BIR) employee na si Rhodora Alvarez na tumanggap ng 7-percent na commission si Gazmin sa nasabing maanomalyang kontrata.
Inakusahan din ni Alvarez ang iba pang opisyal ng Department of National Defense at Armed Forces of the Philippines (AFP) na tumanggap ng 5-percent na commission sa nasabi ring proyekto.
Magugunitang kinontrata ng DND ang Rice Aircraft Services at Eagle Copters para sa pagbili ng 21 unit ng UH-1D o Huey Helicopters na nagkakahalaga ng P1.2Billion.
Kasama rin sa kontrata ang pagsu-supply ng nasabing mga kumpanya ng spare parts para sa nasabing mga air assets.
Sinabi ni Alvarez na nakasaad sa kasunduan na dapat mai-deliver ang mga Huey choppers bago ang September 21 2014 deadline pero hindi ito nangyari.
Mula sa kabuuang 21 units, sampu lamang ang nai-deliver ng Rice Aircraft Services at Eagle Copters.
Mula sa nasabing bilang, dalawa lang ang nagagamit ngayon ng Philippine Air Force dahil sira at walang available na piyesa ang mga biniling helicopters.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.