17 homeless persons at street dwellers na-rescue sa Maynila

Aabot sa 17 homeless persons at street dwellers ang na-rescue sa isinagawang reach-out operations ng Manila Department of Social Welfare (MDSW) Rescue Team sa pakikipagtulungan sa Metropolitan Manila Development Authority (MMDA).

Isinagawa ang operasyon sa kahabaan ng UN Avenue, Otis Rd., Legarda St., P. Noval St., Recto Ave. at España Blvd.

Agad silang dinala sa rescue facilities ng lungsod kung saan doon ay tinutugunan ang ng mga MDSW staff at volunteers ang kanilang pangangailangan.

Ayon kay MDSW Director Re Fugoso regular na nagsasagawa ng reach-out operations sa lungsod batay na din sa utos ni Mayor Francisco “Isko Moreno” Domagoso na tiyaking napoprotektahan ang mga homeless persons at street dwellers laban sa sakit na COVID-19.