Sa inilabas na heavy rainfall warning ng PAGASA, alas 7:50 ng umaga ngayong Lunes, Nov. 9, yellow warning na ang umiiral sa Camiguin Island, at sa mga bayan ng Abulug, Amulung, Baggao, Buguey, Gattaran, Gonzaga, Iguig, Lallo, Pamplona, Peñablanca, Santa Ana, Santa Teresita, Sanchez Mira at Tuguegarao City sa Cagayan at sa Cabagan, Divilacan, Ilagan City, Maconacon, San Pablo at Tumauini sa Isabela.
Babala ng PAGASA, posibleng makaranas ng pagbaha sa mabababang lugar at landslides sa bulubunduking lugar.
Mahina hanggang katamtaman at kung minsan ay malakas na buhos ng ulan naman ang nararanasan sa Flora, Kabugao, Luna, Pudtol at Santa Marcela sa Apayao; Allacapan, Alcala, Aparri, Camalanuigan, Enrile, Lasam, Piat, Solana at Tuao sa Cagayan; Delfin Albano, Gamu, Mallig, Quezon, Quirino, Roxas, Santa Maria at Santo Tomas sa Isabela; Pinukpuk, Rizal at Tabuk City sa Kalinga.