Bilang ng mga sugatan sa pananalasa ng Super Typhoon Rolly 165 na; 3 pa ang nawawala
Nananatili sa 20 ang bilang ng mga nasawi sa pananalasa ng Super Typhoon Rolly sa bansa.
Ayon sa National Disaster Risk Reduction and Management Council (NDRRMC), maliban sa 20 nasawi, mayroon pang 3 na nawawala.
Nakapagtala din ng 165 na mga nasugatan sa pananalasa ng bagyo sa Mimaropa, Calabarzon, at Region 5.
Ayon sa NDRRMC, nakapagtala ng 17 insidente ng pagbaha at dalawang landslides noong kasagsagan ng paghagupit ng bagyong Rolly.
Mayroong aabot pa sa 151 na lungsod at munisipalidad sa Regions 4A, 4B, 5 at 8 ang wala pa ding suplay ng kuryente.
Habang 85 pang lungsod at munisipalidad ang wala pa ring suplay ng tubig.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.