COVID-19 cases sa Central Visayas, nasa 22,613 na

Nagkaroon pa ng 49 na kaso ng COVID-19 sa Central Visayas.

Batay sa inilabas na datos ng DOH Central Visayas hanggang November 5, 22,613 na ang confirmed COVID-19 cases sa nasabing probinsya.

Sa naturang bilang, 909 ang aktibo pang kaso.

Umabot sa 70 ang bagong gumaling kung kaya 20,352 na ang COVID-19 recoveries.

Isa naman ang bagong napaulat na nasawi sa nasabing rehiyon.

Dahil dito, 1,352 na ang bilang ng mga pumanaw sa Central Visayas bunsod pa rin ng nakakahawang sakit.