Binisita nina Manila Mayor Isko Moreno at Vice Mayor Honey Lacuna-Pangan ang ginagawang Binondominium sa Lungsod ng Maynila sa araw ng Huwebes, November 5.
Ayon sa alkalde, nais niyang mai-connect ang in-city vertical housing program sa katabing basketball court.
Aniya, ito ay upang magkaroon ang mga uupa ng kanilang sariling activity area.
“Gagawa tayo ng access kasi dingding yan eh, oh edi mayroon na silang basketball court nila, activity area. Tapos tagos sa park, gagawa tayo ng eskinita diyan para yung tao may pasyalan diyan sa paraiso ng Delpan,” pahayag ni Moreno.
Ang 15-storey building ay kayang mag-accommodate ng 126 pamilya.
May laking 40 square meters at dalawang kwarto ang bawat unit.
MOST READ
LATEST STORIES