Pangasinan Governor kinasuhan sa Sandiganbayan
Sinampahan ng Office of the Ombudsman sa SandiganBayan ng kasong graft si Pangasinan Governor Amado Espino Jr. at mahigit sa sampung iba pa dahil sa black sand mining noong 2011.
Sa unang information na inihain ng Ombudsman sa SandiganBayan, Si Espino ay lumabag umano sa section 3(e) ng RA no. 3019 o Anti Graft and Practices Act.
Kabilang pa sa mga nakasuhan ay si Rafael Fontelera Baraan, provincial administrator; at sina Cesar Estayan Detera, Edwin Tan Alcazar, Lolita Detera Bolayig, Denise Ann Sia Kho Po, Annlyn Pujol Detera, Cynthia Detera Camara, Glenn Subia at Emiliano Ferrer Buenavista na pawang mga miyembro ng Board of Directors ng Alexandra Mining and Oil Ventures Incorporated.
Noong June 29 2011, nakipagsabwatan umano si Espino sa mga nasabing board members ng Alexandra Mining and Oil Ventures Inc. para maisakatuparan ang magnetite at mineral extraction activities sa Barangay Sabangan, sa Lingayen Gulf, Pangasinan.
Sinasabing hindi duly accredited ang naturang kumpanya o registered sa Philippine Contractors Accreditation Board, walang clearance sa DENR at walang business permit.
Sa pangalawang information ng Ombudsman, bukod kina Espino at Baraan, sinampahan din ng graft sina Alvin Lagrinad Bigay, Provincial Housing and Homesite Regulation officer; at sina Michael Pacheco, Gina Prado Alcazar, at Avery Lustestica Pujol, Cynthia Detera Camara at Lolita Detera Bolayog, na board of directors naman ng Xypher Builders Inc.
Noong August 8 2011, nagkaroon din umano ng sabwatan sa pagitan nina Espino at mga nabanaggit para magawa ang soil remediation at magnetite at mineral extraction, na nagkakahalaga ng 10 million 750 thousand pesos.
Ang mga nakuhang minerals ay binenta umano ng Xypher Builders Inc. sa China.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.