COVID-19 serology testing centers, bukas na muli simula ngayong araw
Muling binuksan ngayong araw ng Martes, Nov. 3 ang lahat ng drive-thru at walk-in COVID-19 serology testing centers sa Lungsod ng Maynila.
Isinara ang mga drive-thru at walk-in COVID-19 serology testing centers sa lungsod dahil sa pananalasa ng Bagyong Rolly.
Sa update mula sa Manila Public Information Office, bukas na muli ang sumusunod na testing centers:
—Gat Andres Bonifacio Memorial Medical Center
—Ospital ng Tondo
—Justice Jose Abad Santos General Hospital
—Ospital ng Sampaloc
—Ospital ng Maynila
Drive-Thru Testing Center:
—Quirino Grandstand
Ayon sa Manila Health Department (MHD), prayoridad ng departamento na magpatuloy sa paghahatid ng serbisyong medikal sa mga Manileño lalo na’t nananatili ang banta ng COVID-19.
Samantala, tuloy-tuloy din ang paglulunsad ng libreng swab testing ng Lungsod ng Maynila para sa mga market vendors, hotel employees, mall workers at public transport drivers.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.