Tropical Storm Siony napanatili ang lakas, magpapaulan na sa ilang bahagi ng bansa
Napanatili ng tropical storm Siony ang lakas nito habang nasa karagatan pa ng bansa.
Ang bagyo ay huling namataan sa layong 850 kilometers East ng Northern Luzon alas 3:00 ng madaling araw ngayong Lunes (Nov. 2).
Taglay ng bagyo ang lakas ng hanging aabot sa 65 kilometers bawat oras malapit sa gitna at pagbugsong aabot sa 80 kilometers bawat oras.
Kumikilos ang bagyo sa bilis na 30 kilometers bawat oras sa direksyong west northwest.
Ayon sa PAGASA, ang Metro Manila at nalalabi pang bahagi ng Luzon ay makararanas ngayong araw ng maulap na papawirin na may kalat-kalat na pag-ulan at thunderstorms dahil sa bagyong Rolly at trough ng Tropical Storm Siony.
Ang Western Visayas, Central Visayas, at Zamboanga Peninsula naman ay makararanas din ng kalat-kalat na pag-ulan dahil sa trough ng bagyong Rolly.
Habang localized thunderstorms lamang ang iiral sa nalalabi pang bahagi ng bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.