154 na provincial bus units papayagang bumiyahe simula ngayong araw
Bukas na simula ngayong araw, Nov. 2 ang anim na ruta para sa mga provincial bus.
Ayon sa Land Transportation Franchising and Regulatory Board (LTFRB), 154 na mga bus ang makabibiyahe sa 6 na ruta patungong Region 8 at pabalik ng Metro Manila.
Kabilang sa mga binuksang ruta simula ngayong araw ay ang mga sumusunod:
1. ORMOC CITY, LEYTE – STA. ROSA INTEGRATED TERMINAL, LAGUNA
2. PALOMPON, LEYTE – STA. ROSA INTEGRATED TERMINAL, LAGUNA
3. TACLOBAN CITY, LEYTE – STA. ROSA INTEGRATED TERMINAL, LAGUNA
4. MAASIN CITY, SOUTHERN LEYTE – STA. ROSA INTEGRATED TERMINAL, LAGUNA
5. CATARMAN, NORTHERN SAMAR – STA. ROSA INTEGRATED TERMINAL, LAGUNA
6. LAOANG, NORTHERN SAMAR – STA. ROSA INTEGRATED TERMINAL, LAGUNA
Muling pinapaalala ng LTFRB na walang ipatutupad na taas-pasahe para sa mga nabanggit na ruta,, maliban na lang kung ipinag-utos ito ng LTFRB.
Maaaring bumiyahe ang mga roadworthy PUBs na may valid at existing Certificate of Public Convenience (CPC) o Application for Extension of Validity, at kinakailangang nakarehistro sa Personal Passenger Insurance Policy ang bawat unit.
Bilang kapalit ng Special Permit (SP), mayroong QR Code na ibibigay sa bawat operator na dapat ilagay sa short bond paper at ipaskil sa bus.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.