Poe nanguna sa Pulse Asia survey, Duterte, naungusan na si Binay
Nanatiling si Senator Grace Poe ang nangunguna sa preelection survey na isinagawa ng Pulse-Asia-ABS-CBN.
Sa survey na isinagawa mula March 1 hanggang 6, nakakuha si Poe ng 28% na mas mataas ng dalawang puntos sa 26% na nakuha niya noong February 16 to 27 survey.
Si Davao City Mayor Rodrigo Duterte naman na ang nasa ikalawang pwesto na mayroong 24% na mataas din ng two points sa 22% na nakuha niya noong nakaraang buwan.
Habang nasa ikatlong pwesto si Vice President Jejomar Binay matapos na bumaba sa 21% ang nakuha niyang rating mula sa 24% noong nakaraang buwan.
Sumunod naman si administration bet Manuel “Mar” Roxas na nakakuha ng 21% mula sa 20% noong February survey at si Senator Miriam Defensor-Santiago ay nakakuha ng 3%.
Ang nasabing survey ay isinagawa sa pamamagitan ng pagtatanong sa 2,600 respondents kung sino ang iboboto nilang presidente kung ang eleksyon ay ginawa noong araw na idinaos ang survey.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.