Ilang residente sa Barangay Santolan, Pasig inilikas na rin

Nagsagawa ng preemptive evacuation sa bahagi ng Barangay Santolan sa Pasig City.

Ito ay matapos maapektuhan ng Typhoon Rolly.

Hiniling naman ni Mayor Vico Sotto ang kooperasyon ng mga residente.

“Pag sinabi ng Incident Management Team na kailangan lumikas, cooperate tayo agad. Mas mabuti nang sumobra tayo sa pag-iingat kaysa sa nagkulang,” pahayag ng alkalde

Base aniya sa huling datos ng Pasig City DRRMO hanggang 7:03 ng gabi, 32 pamilya o 153 katao ang nananatili sa Ilaya Covered Court.

Nasa walong pamilya o 38 indibidwal naman ang nananatili sa Rosario Elementary School hanggang 7:13 ng gabi.